A contaminación aumenta as mortes asociadas ao tabaco.

Un estudo que conta coa participación do Instituto de Saúde Global de Barcelona (Catalunya, España) analizou os efectos da exposición ás partículas finas (PM 2.5) en persoas fumadoras e non fumadoras. Este traballo, publicado na revista Environmental Research, parte de investigacións previas que xa acharan unha interacción aditiva entre PM 2.5, fumar cigarros e cancro de pulmón. Agora, os investigadores analizaron tamén se a combinación destas exposicións potencia a mortalidade por enfermidade cardiovascular.

A investigación realizouse con datos de preto de medio millón de persoas fumadoras e non fumadoras estadounidenses de máis de 30 anos de idade que forman parte do Estudo II da Sociedade Americana de Prevención contra o Cancro.

Michelle C. Turner, investigadora de ISGlobal e primeira autora do estudo, destaca que a suma de fumar cigarros "e á vez estar exposto á contaminación do aire aumenta o risco de morrer por enfermidade cardiovascular e diabetes, aínda que o efecto aditivo é máis pequeno que o que se atopou previamente para o cancro de pulmón?.

Segundo os seus resultados, por cada 100.000 persoas, 318 mortes por enfermidade cardiovascular e diabetes son atribuíbles a fumar cigarros, e 36 pola exposición a niveis altos de partículas PM 2.5. A combinación de ambas, fumar tabaco e estar exposto á contaminación atmosférica, provoca 32 mortes adicionais por enfermidade cardiovascular e diabetes.
Por cada 100.000 persoas, 318 mortes por enfermidade cardiovascular e diabetes son atribuíbles a fumar cigarros, e 36 pola exposición a niveis altos de partículas PM 2.5. (Foto: Ricardo Fissore (Creative Commons))

Turner considera que cos niveis de PM 2.5 observados neste estudo, "a redución do tabaquismo terá un maior impacto na diminución da mortalidade que a redución da exposición á contaminación atmosférica?.

Con todo, estar exposto a menos partículas finas tamén contribuirá a previr unha proporción da mortalidade atribuída a fumar cigarros. (Fonte: Instituto de Saúde Global de Barcelona)