Dispositivo diminuto que vixía os latexos do corazón.

Expertos da Universidade de Colorado en Boulder e da do Noroeste, ambas en EE.UU., desenvolveron un sensor acústico diminuto, brando e que se coloca facilmente, co que se miden as vibracións do corpo humano dun modo tal que lle permite monitorizar a saúde cardíaca.

O dispositivo estirable, capta as sinais fisiolóxicas sonoras do corpo,  e as súas propiedades físicas fano adecuado para a pel humana, podendo colocalo en case calquera superficie do corpo. Parécese a unha pequena tirita, pesa menos de 0,3 gramos e pode recoller datos fisiolóxicos constantemente.

O novo aparello  capta as ondas mecánicas que se propaguen a través dos tecidos e fluídos do corpo humano debido á actividade fisiolóxica natural, detectando firmas acústicas características de sucesos individuais. Estes inclúen a apertura e peche das válvulas cardíacas, a acción dos pulmóns, vibracións das cordas vocais e mesmo movementos no tracto gastrointestinal. O sensor pode tamén integrar eléctrodos capaces de rexistrar sinais de electrocardiograma (ECG), coas cales se mide a actividade eléctrica do corazón, así como sinais de electromiograma (EMG), coas que se mide a actividade eléctrica dos músculos en repouso e durante a contracción.

Aínda que na súa fase experimental o  sensor estivo unido por un cable a un sistema externo de adquisición de datos, poder convertese  facilmente nun dispositivo inalámbrico.