Yoshinori Ohsumi, Premio Nobel de Mediciña 2016, polos seus achados sobre a reciclaxe celular.

A Academia Sueca ha decidido distinguir este ano co Premio Nobel de Mediciña ao investigador xaponés Yoshinori Ohsumi (Fukuoka, Xapón, 1945). Nun comunicado, o xurado sinalou que a elección se debe aos seus descubrimentos sobre os mecanismos da autofagia, un proceso que se encarga da degradación e reciclaxe dos compoñentes celulares.

Grazas aos achados de Ohsumi, investigador do Instituto de Tecnoloxía de Tokio, descubríronse os mecanismos que permiten ese proceso. En concreto, en experimentos con fermento, o científico identificou xenes esenciais para a autofagia, coñecidos como reguladores moleculares ATG. En experimentos posteriores, comprobou que este sistema de reciclaxe estaba tamén presente nos humanos e describiu toda a serie de mecanismos que permiten iniciar e formar os autofagosomas e establecer o seu traslado ata o lisosoma. Os seus descubrimentos marcaron un antes e un despois no coñecemento da reciclaxe celular e permitiron constatar a importancia da autofagia en innumerables procesos fisiológicos, como a resposta celular á tensión, o combate a infeccións de virus e bacterias ou a diferenciación celular durante o desenvolvemento. O papel deste sistema de xestión de residuos é tan fundamental que un fallo nalgún das súas engranaxes reflíctese en distintos trastornos.

"A autofagia está involucrada nas principais enfermidades que nos afectan como especie, como o cancro, a diabetes ou as enfermidades neurodexenerativas, entre outras".

"O potencial deste campo de investigación é grande. Actualmente estase estudando que parte do proceso é o que falla nalgunhas enfermidades e como podemos evitar que isto pase. Sabelo pode supoñer que se evite a resistencia aos antibióticos, que se free un proceso de neurodexeneración ou que se mellore a calidade de vida fronte ao envellecemento".