Cales son os fármacos máis vendidos en España?

O líder en vendas de envases é o medicamento Adiro, un antitrombótico coñecido para tratar problemas cardíacos.

Séguenlle outros dos grandes coñecidos dos botiquíns de todo fogar, o Nolotil  que se utiliza como analxésico e contra a febre.

Outro analxésico e antiinflamatorio é o Enantyum que tamén entra na clasificación, igual que o opioide Zaldiar, nuns postos máis baixos.

Ventolín,  tamén é habitual o seu consumo; é un dilatador das vías respiratorias que se utiliza fronte ao asma.

Porén , o rei é paracetamol; é o principio activo máis comercializado. Véndense 90,7 millóns de envases deste fármaco nas farmacias, o que significa que cada español consome case dúas caixas destas pastillas ao ano.

Séguena o protector gástrico omeprazol, e o antiinflamatorio e antipirético ibuprofeno, segundo a consultora IMS Health. Esta mesma sinala que tamén tiveron moitas vendas un dos medicamentos máis coñecidos, o ácido acetilsalicílico (que inclúe a Aspirina de Bayer) e entre os antibióticos máis comercializado atópase a amoxicilina.