Primeiro micromarcapasos para fetos.

Grazas aos avances cientifícos e tecnolóxico xa se conseguiu fabricar o primeiro micromarcapasos plenamente implantable en fetos cun bloqueo cardíaco completo. Os seus creadores do Hospital Pediátrico de Los Ángeles fixeron probas preclínicas así como unha optimización do dispositivo e calculan que o primeiro uso humano do dispositivo materializarase nun futuro próximo.

Con cada latexo dun corazón san, un sinal eléctrico pasa das cámaras superiores ás inferiores do corazón e co movemento deste sinal, o corazón contráese e bombea sangue. Un bloqueo cardíaco conxénito é un defecto do sistema eléctrico do corazón que se orixina no feto en desenvolvemento, e que fai moito máis lento o ritmo do corazón, prexudicando así á súa capacidade de bombear sangue.

Aínda que o trastorno pode diagnosticarse no útero, todos os intentos de tratalo cun marcapasos estándar fracasaron pois estes foron deseñados para adultos. A situación  grazas  aos estudos desenvolvido polo equipo do Dr. Yaniv Bar-Cohen, cardiólogo pediatra no Hospital Pediátrico de Los Ángeles (Children`s Hospital Los Angeles), adscrito á Universidade do Sur de California, en Estados Unidos; vai orixinar un cambio  importante no tratamento desta patoloxía. O novo marcapasos pode ser implantado no útero, potencialmente sen dano algún para o feto ou a nai. Este aparello novo proporciona unha oportunidade real de evitar o aborto espontáneo e o nacemento prematuro en bebés afectados por anomalías desta clase.